თურქეთის რესპუბლიკის სამხედრო საზღვაო ძალების 650 ტონიანი Minehunter-ის ტიპის ხომალდი სიღრმეში სამძებრო ღონისძიებებს ასრულებს. ხომალდის ეკიპაჟი 41 კაცს შეადგენს და ჰიდროლოკაციური სისტემებით არის აღჭურვილი. თურქული ხომალდი სამძებრო სამუშაოებს დაახლოებით 200 მეტრი სიღრმის და 350 მეტრი მანძილის რადიუსზე აწარმოებს.
16 აგვისტოს, სპეციალური ოპერაციების ძალების ორმა სამხედრო მოსამსახურემ, შავ ზღვაზე გეგმიურ საზღვაო სპეცდანიშნულების სწავლებაზე ზღვაში სიღრმითი ჩაყვინთა და ზედაპირზე ამოსვლა ვერ შეძლო. კაპრალი იაგო შარაძის და პირველი კლასის რიგითის, გიორგი ნანეტაშვილის სამძებრო ღონისძიებები ამ დრომდე გრძელდება.
